کټواز مهالنۍ

"کټواز مهالنۍ یوه ازاده، فرهنګي او ټولنیزه خپرونه ده چې د شال ټولنیز او پراختیایي بنسټ له لوري په ۲۰۲۰ کال کې په پکتیکا ولایت کې پیل شوې. دا مهالنۍ د دې لپاره رامنځته شوې چې د فکر، پوهاوي او بدلون غږ وي. زموږ هدف دا دی چې د ټولنې د بېلابېلو برخو غږونه راټول، ولولو او خپاره کړو. له ښځو، ځوانانو او لیکوالو نیولې، تر کلتوري فعالانو، شاعرانو، او شنونکو پورې."

کټواز مهالنۍ د علم، ادب، فرهنګ، هویت، انساني ارزښتونو او د سیاسي پوهاوي د خپراوي یوه هڅه ده. دا خپرونه هڅه کوي چې د افغاني ټولنې ژورې مسئلې راوسپړي، نوي بحثونه راپورته کړي، او د بیان د ازادۍ په چوکاټ کې د ملت شعور وغوړوي.

موږ باور لرو چې هره لیکنه، هره تبصره، او هره کیسه کولای شي د بدلون تخم وکري. له همدې امله، کټواز مهالنۍ نه یوازې یو نشریاتي بستر دی، بلکې د فکر، عدالت، مقاومت، او ارمان یو فرهنګي حرکت هم دی.